كلمة حلوة

كلمة حلوة .. النفسية يادوبك متلصمة

بلاش تخنتي .. او بقيتي معضمة

و لا تقول لي مالك و  متضايقة ليه

و كلام تعاطف .. مش حاسة بيه

عايزاك تقول لي عينيكي جنان

و عايزة احس بلمسة حنان

مش عايزة تكذب .. و تبالغ كتير
انا بس عايزة .. شاعر.. أمير

طب هو شاعر و شايفك قصايد

طاقات ايجيابية.. و لستة فوايد

ده حتى كلامك حكيم .. و طيب

و فكرك لقلب حبايبك قريب

و حتى في زعلك كلامك جميل

و البوست منك عسل بيسيل

ياريت فوق ده كله في جمالك عادية

ده بالبلدي انتي .. "مزة" قوية

و جاية تقولي قالولك تخينة! عجبي!